A pista de aeromodelismo de Rodís acollerá, durante o último fin de semana de xuño, a proba de acrobacias máis importante das competicións internacionais<\/p>\n
A pista de aeromodelismo do Concello de Cerceda, inaugurada o ano pasado en Seixas, na parroquia de Rodís, acollerá o próximo mes de xuño o Open Internacional de Aeromodelismo Acrobacia F3A, unha proba que, como adiantou fai uns meses o alcalde cercedense, José García Liñares, durante un pleno, «é algo así como a Champions League deste deporte». Non esaxeraba o rexedor, e con outro símil parecido explicou o secretario do Club de Voo As Gaivotas, Agustín Rei, que é iso do F3A: «é o equivalente á Fórmula 1 do aeromodelismo acrobático, é a competición máis difícil, máis complicada e máis técnica que existe na actualidade».<\/p>\n
<\/p>\n
<\/p>\n
<\/div>\n
<\/p>\n
A entidade, que organiza a competición, «grazas á colaboración desinteresada e continua do Concello de Cerceda», confía en que os próximos 27, 28 e 29 de xuño achéguense ata a pista de Rodís máis de 30 participantes. «é a primeira vez que se celebra unha competición deste tipo en toda Galicia, así que a expectación é moi grande», explicou Rei, a quen xa confirmaron a súa presenza o subcampión de Europa, Andrés Leoni; o actual campión de España, Isaac Prat; o campión galego, Christian Paradela, e o portugués, Bruno Eleno, ademais de moitos outros moi coñecidos no mundo do aeromodelismo. Un deporte que vai gañando, aos poucos, afeccionados.<\/p>\n
O Club de Voo As Gaivotas, por exemplo, conta xa co centenar de socios, un número que confían en incrementar cos diferentes cursos que están impartindo no Concello de Cerceda. A entidade, que este ano celebrará tamén as súas vodas de prata, leva un ano instalada en Cerceda, localidade que, na súa opinión, «ten a mellor pista de toda Galicia para practicar este deporte». E vai máis aló: «O campión de España visitounos recentemente e asegurou que a de Rodís era a mellor pista de todo o país».<\/p>\n
Por iso, Agustín Rei confía no que o número de afeccionados vaia crecendo paulatinamente. «En España é un deporte minoritario, pero no Leste de Europa, por exemplo, era practicamente obrigatorio elixir entre o xadrez ou o aeromodelismo».<\/p>\n
Está convencido de que a mellor forma de afeccionarse é acudir ás diferentes probas. O Open Internacional, por exemplo. «é algo moi vistoso e sempre impresiona ver como manexan os avións», di.<\/p>\n
Os participantes na competición, que será os días 28 e 29 (o 27 levarán a cabo os adestramentos) terán que realizar unha táboa acrobática preestablecida. «Trátase de facer unha secuencia de figuras nun espazo determinado, como dentro dun marco», explica Rei.<\/p>\n
<\/p>\n